عبارة عن باكج، فيه:

١. خطة تمرين كاملة، ومع كل تمرين فيديو إلي وأنا بعمله صح، وشرح مكتوب بالضبط كيف تعمليه صح. بالعربي والإنجليزي، بس اسمه "جاهزة؟" لسبب.

٢. لانه فيه كتاب إلكتروني انا كاتبه عن ١٦ سنة خبرة، ٨٥ صفحة. فيه خلاصة خبراتي العملية و شهاداتي و كل شي قريته...الخ

ليش طيب؟

بتعرفي شعور لما تدخلي جيم، تقعدي عالجهاز، تبلشي تتمرني، وفجأة يجيكي شعور "انا هيك بعمله صح؟" وتصيري تفكري انه ما حسيتي بالعضلة مثل ما حكت الي شفتيها بفيديو ابصر وين.. قصدي سنفورة داخلة عالم الجيم بس بحاول اكون لطيف.

او يمكن إلك سنين باللعبة، وكل اللي بدك إياه كم معلومة عيار ثقيل يدخلك اللفل الي بعده.

الموضوع بسيط: أنا حقول، وإنتِ بتعملي. ححكيلك بالضبط شو المطلوب، وبشرحلك ليش عشان تقتنعي، أما إنك تقومي وتروحي عالجيم؟ هاي بايدك انتي.

طب كيف؟

الجدول الي جوا مو خطة معمولة خصيصاً إلك. هاي تحدّي، سواء أول مرة تمسكي دمبل بحياتك، أو صارلك عشر سنين، العضلة بتفهم مقاومة فقط. ولا طبعا، كونك بنت لا يعني اني حطبطب و اداري. الحكي جوا شديد اللهجة، هدفي يجرح (مو كثير كثير يعني عارف انك مرهفة الاحاسيس، مثل الي عندي بسميها بلطجية مرهفة الاحاسيس) عشان يفيدك والله. بدك معاملة أميرات؟ الباكج مو الك.

جوا الفايل رح تتعلمي كيف تفكري بعقلية جماوية. شو تلعبي، كيف تستخدمي الادوات، تختاري أوزانك، شو يعني تكرار/جولات، كم تريحي، تبني علاقتك مع عضلاتك، بطيء ولا سريع، شو يعني الترابط العقلي العضلي، وكيف سرعة الحركة بتأثر عليه. بشرح بأمثلة، وبحط صور كدليل، عشان ما أطلب منك تصدقيني عالعمياني... ومواضيع كثيرة انتوا اخترتوهم بالانستاغرام. (اه قريت مسجاتكم و دخلتهم بالكتاب)

بعد ما تخلصي، رح تدخلي أي جيم وإنتِ عارفة شو بتعملي، ليش بتعمليه، وكيف تعمليه.

لانه الجسم الحلو، بناؤه بده وجع، وما بنطلب من شي ان.

الضياع بوقف هون، لانه الثقة بتلبقلك (قلبت معدتي و انا بكتب هالجملة بس وصلك قصدي) المهم،

حسي انتي بقوتك، و خلي الناس تشوفها بجسمك... (هاي قوية بصراحة)

شدي براغيكي و هلم بنا.